गाउँ,टोलमा पुगेर कक्षा संन्चालन

  
  प्रकाशित मितिः शुक्रबार, साउन ९, २०७७       | 105 Views   ||

दाङ, विद्यालयका कक्षाहरु फरक–फरक रुपमा सञ्चालन गरिरहेको समयमा दाङको एक सामुदायिक विद्यालयले भने समुदायमै पुगेर विद्यालय कक्षा सञ्चालन गर्दै आएको छ । लकडाउनका कारण पूर्णरुपमा शैक्षिक संस्थाहरु बन्द भएको अवस्थामा श्री बाल प्रावि कुमालगाउँ तुलसीपुर–१ पवननगरले समुदायमै पुगेर विद्यार्थी पढाउन शुरु गरेको हो ।

घरदैलो शिक्षा कार्यक्रम अन्तर्गत उक्त विद्यालयले करिब दुई महिनादेखि निरन्तर रुपमा विभिन्न समुदायमा पुगेर आफ्ना विद्यार्थीलाई विद्यालय सेवा क्षेत्रमा रहेका पाँच समुदायमा समूहगत रुपमा पढाउने गरिरहेको विद्यालयका प्रधानाध्यापक प्रकाश पाण्डेले बताए । समुदायमा पुगेर विद्यालयले घरदैलो कक्षा सञ्चालन गर्दा अभिभावकहरु भने सुखी देखिएका छन । विद्यालयले गत जेठ २ गतेदेखि निरन्तर रुपमा कक्षा सञ्चालन गरेको छ । हाम्रा बालबालिकाहरु पठाई प्रति केन्द्रित भएका छन । एक अभिभावकले भने विद्यालयले यो राम्रो काम गरिदिएको छ ।
विद्यार्थीहरुलाई पाँच समूहमा विभाजन गरी सोहि अनुसार पढाउने गरिएको विद्यालयका प्रधानाध्यापक प्रकाश पाण्डेले बताए । घरदैलो कक्षाका लागि पाँचजना शिक्षकहरु परिचालन गरिएको छ । प्रत्येक शिक्षकले हप्ताको सातै दिन फरक–फरक समूहका विद्यार्थीलाई पढाउने गरेको उनले बताए । लामो समयसम्मको लकडाउनका कारण विद्यार्थीहरुको पठनपाठनमा प्रत्यक्ष असर परेको भन्दै विद्यालयले घरदैलो कक्षा कार्यक्रम सुरु गरेको उनले बताए । समुदायमा उपलब्ध फराकिलो कोठामा राखेर विद्यार्थीहरुलाई पढाउने गरिएको उनको भनाई छ । स्तरअनुसार विद्यार्थी विभाजन गरेर प्रत्येक दिन दुई घण्टा पढाउने गरेका छौं प्रअ पाण्डेले भने, यसले राम्रो प्रभाव दिएको बताए । ‘हामीले सानो कक्षादेखि ठूलो कक्षासम्मका विद्यार्थीहरु विभाजन गरेर सोहि अनुसार पढाउने गरेका छौँ’ उनले भने– ‘यो कक्षाले विद्यार्थीहरुको सिकाइमा सुधार ल्याएको छ ।’ विद्यार्थीहरुको गृहकार्यलाई प्राथमिकतामा राख्दै मुख्यतः गणित, विज्ञान, अंग्रेजी र नेपाली विषयहरु पढाउने गरिएको छ । करिब एक सय जना विद्यार्थीहरु दैनिक रुपमा उक्त कक्षामा सहभागी हुने गरेका छन ।

Leave a Reply

Your email address will not be published. Required fields are marked *