गिरिराज नेपाली,
घोराही, रातो रङको भवन पूर्ण रुपमा जलेर भित्ता जलेर कालै छ । भवनको झ्याल ढोका जलेर केही छैनन् । चारैतिर ह्वाङ्ग छ । जलेर नष्ट भएको कार्यालय सरसफाई गरेर कर्मचारी बसेका छन् । बाहिर रातो भित्र सेतो भित्ता जलेर कालै छन्।जलेका ढोका र झ्याल भित्र कर्मचारी बसेका छन्,बाहिर सेवाग्राही उभिएकाछन्। सधै भिड भडका हुने कार्यालयमा धेर,थोर सेवाग्राहीको मात्रै भिड लागेको छ। आगजनीबाट कार्यालयको प्रवेशद्वारको गल्ली बचेको छ।त्यही गल्लीमा एउटा कम्प्युुटर राखिएको छ।जहाँ च्यानल गेट बन्द छ।आगजनीबाट बचेको कार्यालयको त्यही एउटा च्यानल गेट र गल्ली हो। कार्यालयले सेवाग्राहीको अतिआवश्यक सेवा त्यही गल्लीमै सुरु गरिएको छ ।
जलेर ध्वस्त भएको भवन परिसरभित्र केही सेवाग्राहीको चहल पहल देखिन्छ।जलेको दक्षिणी भित्तामा मार्करले मधुरो अक्षरमा केही लेखिएको रातो कागज टाँसिएको छ। जुन कागज संघीय शहरी विकास तथा भवन निर्माण कार्यालय भवन परिक्षण गरी टाँस गरेको छ।जसमा बीम वाल,सिलिङ्ग ढोका पूर्णमा रुपले जलेर नष्ट भएकाले प्रवेश निषेध लेखिएको छ। पत्रमा प्रवेश निषेध लेखिएपनि कार्यालयमा प्रवेश गर्ने सेवाग्राहीको प्रवेश भने रोकिएको छैन। विदेश अध्ययनका लागि धितो प्रमाणित र जग्गा रोक्काको काम विद्यार्थीहरुको लागि अति आवश्यक रहेकाले उक्त काम कार्यालय प्राथमिकतामा राखेर शुरु गरेको हो।भदौ २३ र २४ गते जेन–जी आन्दोलनमा जलेर पूर्ण रुपमा नष्ट भएको भूमि सुधार तथा मालपोत कार्यालय घोराहीले अहिले आकस्मिक सेवामा वैदेशिक अध्ययनका लागि जाने विद्यार्थीहरु लागि धितो प्रमाणित र रोक्का व्यवस्थापनको काम शुरु गरेको छ।
जुन काम जल्न वाँकी रहेको कार्यालयको मुख्य प्रवेशद्वारको गल्लीमा थालनी गरेको हो। कार्यालयका सुचना अधिकारी कृष्णप्रसाद पौडेलका अनुुसार यी दुुई काम अति आवश्यक काम रहेकाले जलेर खण्डहर बनेको कार्यालयको गल्लीबाट सेवा थालनी गरेको बताएको छ।सुचना अधिकारी पौडेलले भन्नुुभयो–‘विद्यार्थीका लागि नगरिनहुने काम छ, हामीले जोखिम मोलेर गर्नुुपर्छ, कार्यालय जलेर नष्ट छ । उपकरण सहयोगीहरुको सहयोगमा जुटेकाछन्।जलेर जोखिमयुक्त छ।’जसमा कर्मचारी र सेवाग्राही दुबैले जोखिम मोलेर सेवा लिनुदिनुु पर्ने बाध्यता रहेको उहाँले सुनाउनुु भयो। कार्यालय पूर्ण सेवा संचालनको पनि थालनी गरिरहेका छ। कार्यालय मर्मत सम्भारका लागि केही वर्ष लाग्ने भएकाले कार्यालय भाडाँ कार्यालय संचालन गरी मंसिरको दोस्रो सातादेखि अन्य भवनबाट सेवा संचालन गर्ने तयारीका साथ काम गरिरहेको सुचना अधिकारी पौडेलले जानकारी दिनुुभयो।
कार्यालयले सौडियार, हापुर,ढिकपुर,रामपुर र भैसाकुुर्माको कागजात सुरक्षित रहेकाले श्रेष्ता कायम गर्नु नपर्ने जनाएको छ भने घोराही,स्युजा,लक्ष्णिपुर,लोहारपानी, हाँसीपुर,सैघा,धर्ना,नारायणपुर,सेवार बनगाउँ,हाँसीपुर,रावतगाउँका कागजात जलेर नष्ट भएकाले श्रेष्ता कायम तथा अद्यावधिक काम गर्नुुपर्ने जनाएको छ।
तर कार्यालय अहिले आफै पूर्ण सेवा संचालन गर्न नसक्ने अवस्थामा रहेकाले कार्यालयको सुचनाका आधारमा सेवा संचालन गरिने उहाँले बताउनुु भयो।‘जलेका क्षेत्रको केही गर्नुुपर्ने अवस्था छैन। तर जलेका क्षेत्रको हकमा भन्ने श्रेष्ता कायम गरी अद्यावधिक गर्नुुपर्ने छ।तर त्यो कुरा अहिले सम्भव छैन । कार्यालयको व्यवस्थापन पछि मात्रै कार्यालयले उक्त सेवा संचालन गर्ने छ । अहिले आत्तिनुु पर्ने अवस्था छैन।’‘कार्यालय भेटिएका कागजात सुरक्षित छन्, जलेका जतिको सब थोक नयाँ बनाउन पर्ने छ।’जसका लागि कार्यालयले तीकामको खोजी गरिरहेको छ ।
