नेपालमा पछिल्लो २४ घण्टामा थप २ हजार ५ सय २६ जनामा कोरोना पोजेटिभ पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा गरेको ११ हजार ७३ जनाको परीक्षणबाट उक्त संख्यामा संक्रमित फेला परेको हो ।
मन्त्रालयका अनुसार ६६५५ पिसिआर परीक्षणबाट १६०२ र ४४१८ एन्टिजेन परीक्षणबाट ९२४ जनामा संक्रमण पुष्टि भएको हो । २४ घन्टामा ८४२५ जना कोरोना संक्रमित निको भएका छन् । यस्तै सोही अवधिमा १६ जना कोरोना संक्रमितले ज्यान गुमाएका छन् ।
हाल देशभर ५६ हजार ४५७ जना कोरोनाका सक्रिय संक्रमित छन् ।
