हिजोआजको व्यस्त जीवनशैली,अनियमित खानपान बानी,अत्यधिक तनाव र व्यायामको कमीका कारण मुटु रोगको सिकार हुने मानिसको संख्या बढिरहेको छ।
मुटु मांसपेशीबाट बनेको निकै महत्वपूर्ण अङ्ग हो।यसको काम सम्पूर्ण शरीरमा रगत आपूर्ति गर्नु हो। मुटुमा रगत पु¥याउने नलीहरूमा अवरोध हुँदा, रगत नपुगेको मुटुको भागका मांसपेशीहरू मर्न थाल्छन्। जसका कारण मुटुलाई रगतपम्प गर्न गाह्रो हुन्छ। जब मुटुको कुनै भागको मांसपेशी रगतको कमीले मर्छ वा काम गर्न बन्द गर्छ,त्यसलाई हृदयघात भनिन्छ। विश्वभर मुटु रोगबाट हुने धेरैजसो मृत्यु हृदयघातका कारण हुने गरेको छ ।
मुटुलाई असर गर्ने केहि बानी ः
कोलेस्ट्रोल नियन्त्रण ः ंकोलेस्ट्रोललाई आफ्नो मुटुबाट टाढा राख्ने। कोलेस्ट्रोल बढ्यो भने मुटु रोगको जोखिम बढ्छ । त्यसैले,यदि तपाईंको
रक्तचाप वा कोलस्ट्रोल उच्च छ भने यसलाई नियन्त्रण गर्न समयमै औषधी लिने र आफ्नो खानपिनको राम्रो ख्याल
राख्ने। धेरै प्रशोधित चिनीको सेवनः हाम्रो मुटुको स्वास्थ्यलाई सबैभन्दा बढी हानि पु¥याउने कुरा भनेको प्रशोधित चिनी बढी खानु हो। धेरै गुलियो खाने लतका कारण मधुमेह, शरीर सुन्निने र मुटु कमजोर हुने जस्ता समस्याहरू देखापर्दै छन्।
यदि आफ्नो आहारबाट प्रशोधित चिनीलाई पूर्ण रूपमा हटायो भने भित्री बोसो,मधुमेह र समयपूर्व मुटु रोगको जोखिमलाई धेरै हदसम्म कम गर्न सकिने छ । आफ्नो खानामा प्रशस्त फलफूल र तरकारीहरू समावेश गर्ने।तपाईँले जति कम प्रशोधित चिनी खानुहुन्छ, त्यति नै फलफूल स्वादिष्ट लाग्नेछ।
धूम्रपानको सेवन ः
हृदयघात भएपछि पनि बिडी–चुरोट पिइरहने धेरै बिरामीहरूको एक वर्ष भित्र मृत्यु हुन सक्ने
रोमको एक अस्पतालका डाक्टरले अनुसन्धानबाट पत्ता लगाएका थिए। यसको अर्थ मुटु
रोगीहरूका लागि धूम्रपान धेरै खतरनाक छ र उनीहरूले यसबाट पूर्ण रूपमा टाढा रहनुपर्छ ।
कम व्यायाम गर्ने वा बसेर काम गर्ने ः
व्यायामको लागि समय ननिकाल्नु मुटुको लागि सबैभन्दा खराब कामहरू मध्ये एक हो। विज्ञहरूका अनुसार वयस्कहरूले हप्तामा कम्तीमा १५० मिनेट (साढे दुई घण्टा) हल्का व्यायाम गर्नुपर्छ र दुई दिनसम्म मांसपेशी बलियो बनाउने व्यायाम पनि गर्नुपर्छ।तर इमानदारीपूर्वक भन्नुपर्दा थोरै यताउती गर्दा वा हिँडडुल गर्दा पनि केही न केही फाइदाजनक छ ।
निकोटिन तान्ने ः
कुनै पनि रूपमा श्वास प्रश्वासको माध्यामबाट निकोटिन शरीरभित्र पु¥याउनु स्वास्थ्यको लागि सुरक्षित हुन्न।हालैका वर्षहरूमा, भेपिङ वा ई–चुरोटलाई
चुरोटको सुरक्षित विकल्पको रूपमा प्रचार गरिएको छ । फोक्सोलाई हानी पु¥याउनुको अलावा,ई–सिगरेटमा रहेको निकोटिन जस्ता केही पदार्थहरूले मुटुलाई पनि
हानि पु¥याउन सक्छ भनेर विज्ञहरू भन्छन् ।
दुखाइ कम गर्ने औषधिको बढी सेवन ः
टाउको दुखाइ वा अन्य पीडाले हामीलाई सताउँछ, हामी प्रायः डाक्टरलाई सोध्दै नसोधी आफैँ आइबुप्रोफेन र नेप्रोक्सेन जस्ता औषधि खान्छौं। तर यस्ता दुखाइ निवारक औषधि सेवन गर्नाले हृदयघात र स्ट्रोकको जोखिम बढ्न सक्ने अनि जति लामो समयसम्म यस्ता औषधिको सेवन गरिन्छ,जोखिम पनि त्यति नै बढ्छ भनेर २०१५ मै अमेरिकी स्वास्थ्य एजेन्सी एफडीएले चेतावनी दिएको थियो ।
तारेको खानेकुरा ः
फ्राइड चिकेन वा चीज हालिएको म्याकारोनी जस्ता चीजहरू खान्न भन्न त गाह्रै हुन्छ। तर यो सत्य हो कि यी र यस्तै धेरै अन्य खाने कुरामा स्याचुरेटेड फ्याट र धेरै चिनी हुन्छ । यो हाम्रो मुटुको लागि धेरै हानिकारक हुन्छन् । यस्ता खाने कुरा खाने मानिस हरूमा प्रायः हृदयघात,उच्च रक्तचाप र मधुमेहको जोखिम बढी हुन्छ भनेर अनुसन्धानले पनि देखाएको छ।