तुल्सीपुर, तुल्सीपुर उपमहानगरपालिका वडा नं.१८ मा रहेको विहानी स्पोर्टस् क्लबको आयोजनामा बेल्झुण्डी रंगशालामा मैत्रीपूर्ण फुटबल प्रतियोगिता सम्पन्न गरेको छ । माघ मिलन तथा शुभकामना आदान प्रदान सहित राखिएको मैत्रीपूर्ण खसिकप फुटबल प्रतियोगितामा आयोजक टिम प्रथम र अखिल (क्रान्तिकारी) को टिम द्धितीय भएका थिए ।

स्पोर्टस् क्लबका अध्यक्ष विष्णु चौधरीको अध्यक्षता र लुम्बिनी प्रदेशका अर्थमन्त्री धन बहादुर मास्कीको प्रमुख आतिथ्यता रहेको शुभकामना आदानप्रदान कार्यक्रममा, नेपाल संस्कृत विश्वविद्यालयका कुलसचिव माघव अधिकारी, प्रमुख जिल्ला अधिकारी रामबन्धु सुवेदी, तुलसीपुर उपमहानगरपालिका वडा नं ४, १६, १४, र १९ का अध्यक्ष लगायतकाले शुभकामना व्यतm गरेका थिए । युवा, विद्यार्थी र महिलाहरुको उल्लेखिय सहभागिता रहेको फुटवल प्रतियोगिताको औपचारिक कार्यक्रममा थारु नाच र पैसेरी नाच प्रस्तुत गरिएको थियो । कार्यक्रमको सहजीकरण पत्रकार गिरिराज नेपालीले गरेका थिए ।