मंसिर ७ बंगलाचुली, पूर्व संचार तथा सूचना प्रविधि मन्त्री रेखा शर्माले समयमै निर्वाचन हुन नसके मुलुक पुनः अर्को दलदलमा फस्ने बताउनुु भएको छ । आतवार देखि सुरु भएको छैंठौ बंगलाचुली गाउँपालिका कप २०८२ उद्घाटन गर्दै पूर्व मन्त्री शर्माले यस्तो बताउनुु भएको हो । जेन–जी आन्दोलनले मुलुकलाई फरक परिस्थितिमा रुपान्तरण गरेकाले उक्त परिस्थितिको अन्त्यका लागि मुलुकमा तोकिएकै समयमा प्रतिनिधि सभाको निर्वाचन सम्पन्न गर्न आम नागरिक लाग्नुुपर्ने बताउनुु भयो ।
बंगलाचुली गाउँपालिका अध्यक्ष तुलसीराम पुनको अध्यक्षतामा भएको कार्यक्रममा प्रमुख अतिथि शर्माले जेन–जी आन्दोलनले मुलुकमा सबै दलहरुलाई सच्याउने र सच्चिने अवसर सहितको नयाँ निर्वाचनको मिति घोषणा भएकाले मुलुकको स्वाधिनता र उपलब्धीको रक्षाका लागि प्रतिनिधि सभाको निर्वाचन समयमा सम्पन्न गर्न दलहरुको तयार बन्नुुपर्नेमा जोड दिनुुभयो। उहाँले भन्नुुभयो–‘जेन–जी आन्दोलनले दलहरुलाई नयाँ धारमा अघि बढ्ने नयाँ म्यान्डेड सहित रुपान्तरणको अवसर दिएका छन्। उक्त म्याण्डेड र अवसर निर्वाचन मार्फत अघि बढाउने उत्साह र तत्परता दलहरुले देखिनुुपर्छ।’आगामी फागुन २१ गते सम्पन्न गर्न घोषणा गरिएको प्रतिनिधि सभा निर्वाचन बिफल बनाउन केही तत्वहरुको सक्रियता बढिरहेकाले निर्वाचन समयमा सम्पन्न दलहरु नै अग्रसर बन्नुुपर्ने उहाँको भनाई छ । पूर्वमन्त्री शर्माले थप्नुुभयो–‘निर्वाचन बिथोल्न भन्दा पनि निर्वाचन सम्पन्न गर्न दलहरु केन्द्रीत बन्नुुुपर्छ।’
कार्यक्रममा प्रमुख अतिथि शर्माले बंगलाचुलीख गाउँपालिका जिल्लाको सबैभन्दा दुुर्गम पालिका भए पनि सामाजिक विकास र युवा उत्थानका लागि सक्रिय रहेकाले गाउँपालिकाले वर्षेनी खेलक्षेत्रको विकासका लागि वार्षिक नीति कार्यक्रम मार्फत गर्दै आइरहेको चर्चा गर्नुु भएको थियो। खेल हरेक क्षेत्रको विकासका लागि अपरिहार्य रहेकाले खेल र खेलाडी राष्ट्रका सम्पत्तीमा रहेकाले यि सम्पत्तीको विकास र उत्थानका लागि स्थानीय सरकारले सकारात्मक भूमिका निर्वाह गर्नुुपर्ने बताउनुु भयो ।
कार्यक्रममा बंगलाचुली गाउँपालिका उपाध्यक्ष भक्तबहादुर जिसीले बंगलाचुली गाउँपालिकाले हरेक क्षेत्रको विकास सँगै खेलकूद क्षेत्रको विकासका लागि वर्षेनी पालिका स्तरिय कप प्रतियोगिता आयोजना गर्दै आईरहेको चर्चा गर्नुु भएको थियो।बंगालचुली गाउँपालिकाका सामाजिक विकास समितिका संयोजक गणेश विकको स्वागत मन्तव्यबाट सुरु भएको कार्यक्रमको सहजीकरण शिक्षा शाखा प्रमुख ओमप्रकाश केसीले गर्नुुभएको थियो।गाउँपालिकास्तरिय उक्त प्रतियोगिता मंसिर ८ गते समापन गरिने छ । गाउँपालिकाका ८ वटै वडाका ३ खेल समूहका खेलाडीहरुले प्रतियोगितामा सहभागी भएकाछन्।