असोज ५ तुल्सीपुर, विप्लव नेतृत्वको नेकपा दाङका पूर्व जिल्ला सेक्रेटरी किरण डिसी मुल पार्टी नेकपा माओवादी केन्द्रमा फर्केका छन । माओवादी तुल्सीपुर नगरकमिटीको आयोजनामा माओवादी विशेष रुपान्तरण अभियानको प्रथम समिक्षा बैठकमा डिसीलाई प्रमुख अतिथि जयपुरी घर्तीले स्वागत गर्नु भएको छ । सो अवसरमा किरणले माओवादी एकता विना क्रान्तिकारी कम्युनिष्ट आन्दोलन अघि बढ्न नसक्ने भदै माओवादी एकठाउँमा आउनुको विकल्प नरहेको कुरा बताउनु भएको थियो ।

अभियान समिक्षा कार्यक्रममा १९ वटै वडाका संयोजकहरुले जनता,कार्यकर्तामा अभियानले पारेको प्रभाव बारे समिक्षा रिपोट राखेका थिए । बैठकका प्रमुख अतिथि माओवादी केन्द्रकी स्थायी समिति सदस्य जयपुरी घर्तीले अभियानले पार्टीलाई चलायमान बनाएको भन्दै कार्यकर्ता, नेता र जनता बीचमा नयाँ एकता र उर्जा थपिएको बताउनु भएको छ । बैठकलाई पार्टी निर्वाचन आयोगका संयोजक कुवेर वली र राष्ट्रिय सभा सदस्य जगप्रसाद शर्माले समिक्षात्मक प्रशिक्षण मन्तव्य व्यतm गर्नु भएको थियो ।

तुल्सीपुरपालिकाका अभियान संयोजक तिलकराम शर्माले अभियानको दोस्रोचरणको कार्यक्रम प्रस्तुत गर्नु भएको थियो । तुल्सीपुर नगरकमिटीका अध्यक्ष खुसीराम चौधरीको अध्यक्षता रहेको समिक्षा बैठकलाई सचिव तुलाराम भण्डारीले संन्चालन गर्नु भएको थियो ।