तुलसीपुर ८ माघ, मगर राष्ट्रिय मुक्ति मोर्चा नेपाल लुम्बिनी प्रदेश समितिका उपाध्यक्ष एवं नेपाल मगर संघ तुलसीपुर नगर समितिका सल्लाहकार धनबहादुर बुढा मगरले आफ्नी आमा पार्वती बुढा मगरको सम्झनामा एक लाख सहयोग गर्नुभएको छ । बुढाले भवन निर्माण गर्न नेकपा माओवादी केन्द्र तुलसीपुर ५ नम्बर वडा कमिटीललाई पचास हजार र नेपाल मगर संघ तुलसीपुर नगर समितिलाइ पचास हजार आर्थिक सहयोग गर्नुभएको हो । जनयुद्धको क्रममा क्रान्ति आमा पार्वतीका छोरा समर,छोरी सपना र ज्वाइँ विजोग सहिद हुनु भएको थियो । बुढा परिवार रुकुमपश्चिम् चौरजहारीबाट तुलसीपुरमा बसाइँसराइ गरि आएको हो ।
क्रान्ति आमा पार्वती बुढा मगरको स्मृतिमा नेकपा माओवादी केन्द्रले आयोजना गरेको श्रद्धाञ्जली कार्यक्रममा छोरा धनबहादुरले सहयोग हस्तान्तरण गर्नुभएको हो । कार्यक्रममा पार्टीका केन्द्रीय सदस्यहरु दामा शर्मा, ओमप्रकाश पुन र भीमकुमारी बुढा मगर,केन्द्रिय सल्लाहकार शेषुराम भण्डारी,प्रदेश सदस्यहरु पुनम सेर्पाइली र प्रेम वली,नेपाल मगर संघ जिल्ला सल्लाहकार टोपबहादुर घर्ती र मगर नेपाल मगर संघ तुलसीपुर नगर अध्यक्षले श्रद्धाञ्जली व्यक्त गर्नुभएको थियो ।
नेकपा माओवादी केन्द्र तुलसीपुर नगर सदस्य एवं ५ नम्बर वडा इन्चार्ज मिनराज भण्डारीको अध्यक्षतामा भएको कार्यक्रमको सहजीकरण पार्टीका वडा अध्यक्ष बेदप्रसाद वलीले गर्नु भएको थियो।
