दाङ, ४ साउन । बबई गाउँपालिका– ७ चरकमटियामा रहेको सरस्वती माध्यामिक विद्यालयका प्रधानाध्यापक सुतिरहेको अवस्थामा मृत्यु भएको छ । ३७ बर्षिय ललित केसी मृत अवस्थामा फेला परेको जिल्ला प्रहरी कार्यालय दाङका डिएसपी राजन कुमार गौतमले जानकारी दिनुभयो ।

रोल्पाको गंगादेब गाउँपालिका ३ घर भइ हाल बबई गाउँपालिका ७ मा डेरा गरि बस्दै आएका प्रधानध्यापक केसी बुधबार बिहान सुतिरहेको कोठामा मृत अबस्थामा फेला परेको प्रहरीले जनाएको छ । उहाँ सुगर र प्रेसरको बिरामी हुनुहुन्थ्यो । प्रेसरका कारण उहाँको मृत्यु भएको हुन सक्ने प्रहरीको भनाइ छ ।