असोज २० नारायणपुर,  दाङ÷ दाङको नारायणपुरस्थित सौडीकुलामा आधुनिक प्रविधि सहितको मल्टिप्लेक्स सिनेमा हल खुलेको छ । दुई वटा स्क्रिन सहित चार सय बाह्र सिट क्षमता भएको यो हलको नाम ‘भिएफएक्स सिनेमाज’ राखिएको छ ।
घोराही उपमहानगरपालिका वडा नं.–८ नारायणपुरस्थित सौँडीकुलामा भिएफएक्स सिनेमाज् प्रालिले हल सञ्चालनमा ल्याउन लागेको हो । २० करोड लगानीमा निर्मित दाङको यो पहिलो मल्टिप्लेक्स सिनेमा हल हुने छ । विजय रावत प्रबन्ध निर्देशक र चेतनजङ्ग राना अध्यक्ष रहने गरी संयुक्त लगानीमा तयार भएको हलको औपचारिक उद्घाटन यही असोज २६ गते गरिने तयारी भएको छ । नेपाली चलचित्र ‘परदेशी–२’ प्रदर्शन गर्दै हल शुरुवात हुने भएको छ ।