काठमाडौ १७ कात्तिक, अर्को वर्ष आयोजना हुने टी २० विश्वकप क्रिकेटमा नेपाल छनोट भएको छ । २०२४ को विश्वकप वेस्टइन्डिज र अमेरिकाले संयुक्त रुपमा आयोजना गर्दै छन् । टी २० एसिया छनोट फाइनलको सेमिफाइनला युएईलाई ८ विकेटले पराजित गर्दै नेपाल टी २० विश्वकप क्रिकेटमा छनोट भएको हो । सन् २०१४ का टी २० विश्वकप क्रिकेट खेलेको नेपाल त्यसपछि बल्ल विश्वकपमा छनोट भएको हो ।
माथिल्लो मूलपानी मैदानमा युएईले दिएको १३५ रनको लक्ष्य नेपालले १७.१ ओभरमा २ विकेट गुमाएर पूरा गर्न सफल भयो ।
नेपाललाई जिताउन ओपनर मोहम्मद आशिफले अर्धशतकीय पारि खेले । उनले ५१ बल फेस गर्दा ६५ रन प्रहार गरे । यसैगरी कप्तान रोहित पौडेले पनि कप्तानी पारि खेले । उनले २० बलमा ३३ रनको नटआउट पारि खेलेका हुन् ।
